Corpus Van Reenen-Mulder (CRM14): Oorkonde Q595r38601

Weir Moes gastmolen scholtz der banck van gulpen . . Johan cleynsmet . arnolt ackerma_ . wilhem spechouwer . e? lambrecht van (onleesbaar) scheffen der banck voirg_ doen kont alle guden luden . mit desen briue . en_ bekenne_ offenbeerlijc . dat vor ons kome_ is . ywaen va_ kortijls knape va_ wapen . e? haet gelijt en_ bekant ou_mitz ons in der tijt dat heet wael doen mochte . dat he sculdich is eirflijc ewelijc en_ vmm_meer . . joncvrouwe lijssen va_ Steynstraten cloest_~joncvrouwe te ze_nic in den cloest_ in vrber en_ in behoef des ghemeyne_ cloesters voirs_ . . twe swaer gulden . guet va_ golde en_ gherechte va_ ghewichte of peyment daer voer als der wesseleer tot aecke_ dan kiesse_ sal . die te betalen alle joer eirflijc te kersmesse . en_ te leu_en los en_ ledich ombeku_mert va_ yman te ze_nic benne_ den cloest_ in eyn zek_ behait te willen . e? te bewijsen . joncvrouwe lijssen voirg_ oft ymans va_ des ghemeyne_ cloesters wegen op kost anxt schade en_ verluys ywaens va_ kortijls voirg_ . en_ sijnre gherechter erue_ . Ende om joncvrouwe lijssen voirs_ . en_ ouch den ghemeyne_ Cloest_ voirs_ zeker te doen der voirg_ twe gulden eirftzeens die te leu_en en_ te betalen alle joer in alle der forme_ als voirs_ is So haet hon ywaen voirs_ guden onderpant gesat en_ sette eyne_ bene_t die geheiten is der Lüeder en_ haldende is ander + half bonre wenich meer of men en_ gelegen is tusschen die alde gole en_ die nuwe bi moes gastmolens bene_t . . Jn des? vüichen oft dat sake w_e dat ywaen voirg_ oft sijn erue_ gebrelijc w_en in leueringe_ en_ betalinge_ der voirg_ twe gulden eirftzeens alle joer in alle der vuichen als voirs_ is . et w_e in eyne_ deile oft in altemoel . So sal en_ mach joncvrouwe lijsse voirg_ oft ymant van des ghemeyne_ cloesters wege_ hon hant slaen aen den voirg_ onderpant . en_ honne_ wille dor met te doen na des hoefs gewoende va_ gulpen voirs_ als met and_en honne_ p_p__en erue en_ güde . sonder eynich weder~sagen ywaens va_ kortijls voirg_ sijnre erue oft ymans va_ honne_ wegen . ende sonder eynge ergh~lijst dor in te k_en oft quade vünde si w_en goestlijc @ oft wereltlijc . Jn orkunden der waerheit . want ons Richt_ en_ scheffen mit name_ voirg_ . kundich sijnt alle dese voirg_ vurwaerden dat si woer sijn en_ wijr dor bi bliue_ dat si alsus vor ons kome_ en_ in onser hüeden gelacht sijnt ende want wijr scheffen egheyn p_per sigel en haent . So haent wijr gebeden en_ bidden onse_ scholtz voirg_ dat he sijn p_per sigel vor ons aen desen brief hange? wille . dat jch moes gastmolen scholz voirs_ gerne gedoen haen om beden wille der scheffen voirs_ . So haen ich mijn p_per sigel vor mich en_ vor die scheffe_ aen desen brief gehange_ . Ende ich ywaen va_ kortijls . want ich kenne alle dese voirg_ vurwaerden dat si woer sijnt en_ dor bi bliue die te halden en_ te voldoen in alle der forme_ als voirs_ is en_ des om te mere zekerheit so haen ich ouch mijn p_per sigel aen desen brief gehange_ . in + ghetugenis der waerheit . gegeue_ int + joer ons h_en dusent drie + hondert Sees + en + tachtentich des xij dag_ in Junio (onleesbaar)