Corpus Van Reenen-Mulder (CRM14): Oorkonde Q595r39702

Wir Godenuel van spauden En_ Florens wijthues scepene te Triecht tuegen en_ gestaen met desen bryeue alse scepene / dat her wouter Coenman pryest_ alse Rentmeyst_ der eirw_dig__ h_en . . Dekens en_ Capittels van onser lieu_ vrouwen kercken gelegen in + der stat van Triecht en_ alse opheld_e honre cense / En_ her Johan van Mabertinghen pryest_ Capellaen in der selu_ kercken alse Rectoer des Elters der heylig_ dryer . . Conynghe gelegen in der kercken voers_ voer ons en_ ouermits ons ghauen samentlichen in erue en_ in rechte van erflicheyt willeme Jaem_e van Tweenb_ghen karren_e / henricke van den Roesen den pels_e . En_ Gerarde van den Roesen den scroed_e van honnen handen neemende guede alsoe alse die gelegen siin vo_e en_ acht_ met allen honnen toebehoerten te Tweenberghen op den orde van koekartsrüewen . en_ in der selu_ Ruewen tusschen der porten en_ den güede Mertens walnee van boelre des mesmekers doe hie leifde gelegen in koekartsrüewen ter eynre siden . En_ den guede willem Jaemers voers_ dat voermaels was / Coliins van ?yncke nü ter tijt geswo_en boeden der stat voers_ ter and_e syden in der recht_ Tweenbergher straeten opwart Alle jaer te~samen erflichen en_ o_mermee . vo_e en_ o_me vyere Marcke Achte schillinghe en_ viere Capüene erfcens Jaerlixs en_ erflixs cens als + men alle jaer schuldich is te gheuen en_ te betalen der stat voers_ van erflichen güeden / Te gheuen en_ te betalen alle jaer erflichen en_ o_mermee . dat eyn halfscheyde van den vyere Marcken en_ achte scillinghen voers_ metten viere Capuenen voerscr_ te kersmesse / En_ dander halfscheyde sente Johans messe baptiste nati_tas / van welcher ? cens en_ Capüene voerscr_ henrich van den Roesen / en_ Gerart van den Roesen voerscr_ gheuen en_ betalen suelen / en_ schuldich siin te gheuen en_ te betalen jaerlixs ten t_mynen voers_ . Drye Marcke drye schillinge en_ die vyere Capüene voerscr_ alse van den Twee hües_en gelegen op den orde van koekartsrüewen voers_ en_ op der Tweenbergher straeten / En_ willem jaemer voers_ sal gheuen en_ betalen en_ schuldich siin te gheuen en_ te betalen van + den güede gelegen acht_ den tween hües_en voerscr_ in koekartsrüwen en_ by der porten voerscr_ viefue en_ twintich scillinge erfcens voerscr_ . Jn welcher guede voers_ met honnen toebehoerten erftalen en_ erflichen ghichten h_ wout_ coenman voers_ in naeme en_ van weghen siinre h_en voerscr_ en_ h_ Johan van Mabertinghen voers_ alse Rectoer siins elters voerscr_ geloefden hantvast te halden en_ te w_en binnen jaers en_ buten jaers erflichen en_ o_mermee willem jaem_ Crystiene siin wief henrich van den Roesen heylwigen siin wief Gerart van + den Roesen en_ lyesbetten siin wief en_ honne eruen vo_e die viere Marcke achte schillinghe en_ die viere Capüene voers_ en_ alle rechte aensproeke en_ calangien af te doen alse ghewoenlichen is . voer welche geloefden te halden vaste / stede / en_ onverbroekelichen . erflichen en_ o_mermee . h_ wout_ coenman voers_ van siinre h_en weghen voers_ verbant alle siinre h_en voerscr_ güede erfliche en_ gereyde die sij nü hebben . en_ naemaels suelen vercryeghen En_ her Johan van Mabertinghen voers_ alse Rectoer siins elters voers_ verbant alle güede . erfliche en_ gereyde synen elt_e voers_ nu en_ hier naemaels toeho_ende Ende te penden metter boeten . voert soe geloefden henrich van + den Roesen en_ Gerart van den Roesen voers_ aene te leggen aen bouwe en_ in verbet_nisse der Tweer hües_e voers_ Sessetiene dobble mottoyne tusschen dit ende kersmesse naest toecome_de en_ dat te bewiesen en_ te proeuen metten werckluden en_ naeghebo_en . alse ghewoenlichen / Met verbentenisse alle honre g˚ede erfliche en_ gereyde . Voert soe geloefde willem jamer voerscr_ af te loyssen en_ af te quijten . van den viefue en_ twyntich schillinghen erfcens voers_ die hie jaerlixs sulde siin te gheuen en_ te betalen van den güede gelegen in koekartsrüwen alreneest der porten voers_ en_ acht_ den Twee hues_en voerscr_ vyef schillinghe erfcens te maenisse en_ willen der erfghicht_e voers_ . oft hon die te bewiesen aen en_ op gueden sek_en onderpande en_ bet_en dan die guede ? voers_ . Met verbentenisse alle siinre guede En_ te penden metter Boeten . Ghelijke bryeue hebben alle die p_tien voers_ Jn orkonde der waerheyt soe hebben wir Scepene voerg_ onse siegele aen desen bryeue gehangen by siegel der h_en van onser vrouwen kercken voers_ vo_e aen desen bryeue gehangen . Ende wir willem van breda deken En_ Capittel van onser lieu_ vrouwen kercken voerscr_ bekennen en_ lyen openbaerlichen met desen bryeue dat h_ wouter coenman onse Rentmeyst_ en_ her Johan van Mabertinghen onse Capellaen voerg_ gegheuen hebben in erue en_ in rechte van erflicheyt willeme jaem_e henricke en_ Gerarde van den Roesen voerg_ die guede voerscr_ met onsen willen weten en_ _sente / En_ hebben daer o_me in meerre kennisse en_ ghetuegh der waerheyt onsen en_ onser kercken voerscr_ siegel totten saken vo_e aen desen brye? gehangen by siegele der Scepene voerg_ ouch daer aene gehangen . Gegheuen jn + den ja_e van + der ghebuert ons h_en d?ent drye + hondert nuegentich en_ Seuen op sente Clemens daeghe des heyligen paes