Corpus Van Reenen-Mulder (CRM14): Oorkonde Q599r38201

Wjr Arnolt van chyeuel Ritt_ bekenne_ openbeerlich mit desen brieue / dat wir mit willen en_ _cent johans ons witlichen soens gegeue_ haue_ en_ gheue_ eersame_ wysen gheystlichen jonffrouwe_ den jonffrouwe_ des goetsh˚ys en_ gemeyne_ co_ueynz van sint gheerlach der orden van premonstreyt eyne m˚dde rogge_ güetz werentlichs pachs van mersen moeten van tryecht erflich ewelich en_ o_m__me alle jo_e op sint andryes dage des heylgen appostels te betalen en_ te lyeu_en bynne_ den vurg_ Cloyst_ tsint geerlach op eyne_ ? in der vurg_ jonffr_ seker vry behalt op ons ons_ erue_ en_ noecomelinge_ best arbeyt anxt schade en_ verl˚ys / dar + om die vürg_ jonffr_ des goetshüys vürsc_ in den dyenst goetz gedeyncken sulle_ mit ho_en gebede vigelyen en_ messen h_en willems zelen ons br˚eders / vrouwe nesen zelen / en_ vrouwe haydwygen zelen ons_ witlicher hüysvrouwe_ wilne wo_en dene got arbarme_ m˚et ons selfs zelen en_ ons_ noecomelinge en_ alle jo_e eyne erf~jo_egetyde dar + om doen sullen / wilgen erfpacht wir den vurg_ jonffr_ bewijst haue_ en_ bewysen te heuen erflich en_ o_m__me / alle jo_e an erue en_ g˚ede her + noe genoempt / en_ gelege_ bynne_ den kirspel van berghe datz te weten drye malder roggen op syeuonde + half b˚ynre lantz gelege_ int roet by m_senre heyde / die van ons te erfpacht hayt eyne eerbere man her willem van sint margroeten Canoncke en_ scholast_ tsint seruase te tryecht / jt_ vijf vayt rogge_ op syeuen morghen lantz gelegen in des wyden delle die johan kaudenberch van berghe van ons te erfpacht hayt jt_ eyne vayt rogge_ op eyne half b˚ynre lantz gelege_ by dat vürg_ h_en willems lant en_ henke_ johans kaudenberchs son van ons te erfpacht hayt willich lant en_ erue vürg_ onse loet~g˚et is / en_ sint dar + om kome_ in den dorpe van berghe beyde wir en_ johan onse son / ou_mitz ons selfs loeten en_ ouch ons lyeue_ Ome_ h_en Reynartz van berghe Ritters eyne deyle sijnre loeten / mit name_ genant Frambach van berghe / johan kaudenberch / willem l˚ttel / johan offerman / henke_ kaude_berchs son / doem der m˚elenere / en_ goyswijn van ghoelheym om die vürg_ jonffr_ wale te bewaren / en_ haue_ hon te onderpande gesat dat erue en_ lant soe wijt v˚rgenoempt is / en_ haue_ die jonffr_ dar ynne gegüet / en_ des genoech gedoen / als verre als die vurg_ (onleesbaar) ? ? dat hon genoech sy geschyet / en_ wale bewaert sijn / jn voegen of den vürsc_ jonffr_ oynich gebreke w_e an der betalinge_ des pachs vürsc_ ten tyden vurg_ in eynge_ deyle of in alle_ dat dan die vürg_ jonffr_ ho_e hant sulle_ moege_ sloen / an dat vürsc_ onderpant / en_ dar + mede doen en_ loeten als mit ho_en witliche_ erue / sond_ wederspreken ons of yemans anders van onsen wegen / alle arglist vytgescheyden / jn eyne_ get˚ychnisse der woirheit haue_ wir onsen p_p__en segel an desen bryef gehangen / End ich johan van chyeuel kenne als eyne recht erue / alle dese vurworden mit myne_ weten en_ willen alsus geschyet sijn en_ dar by en_ ou_ gewest byn en_ haue dar + om myne_ segel vür mich en_ vür alle_ mynen erue_ en_ noecomelinge_ by mijns vader segel aen desen bryef gehange_ / End wir Frambach van berge en_ ander loeten soe wy wir mit name_ vürsc_ stoen kenne_ en_ get˚yge_ dat wir ou_ dese vurworden als loeten geheyscht en_ geroepen sijn en_ ou_mitz ons alsüs geschyet en_ ons recht dar van ontfange_ haue_ dar + om in te + mere Cleernisse der woirheit haue ich Frambach als loet om bede_ beyde der partyen dijs mich gebede_ haue_ myne_ segel by segele_ h_en arnoltz en_ johans sijns soens an desen bryef gehange_ / en_ wir ander loeten want wir eyghe?s segels derue_ soe erkyese_ wir onder segelen ons h_en h_en arnoltz en_ johans sijns soens v˚rg_ der wir in desen saken gebr˚yken / gegeuen jnt jo_e ons h_en d˚sent drye + hondert twey en_ achtentich jo_e twelue dage in den bra˚moent