Corpus Van Reenen-Mulder (CRM14): Oorkonde Q599r38401

Jch Johanne Van hulsberch Schoutet mijns Heren des Proestz van Mersen Jn + der banche van Cle_men En_ Wir Scepen der seluer banche van Clemmen vurs_ mit namen . Arnolt van + den kirhoef . heyne keyke . Johan sterke . lenz vrome . Jacop der smet . Johan sticker en_ Arnolt van ghisenguebben . bekenne_ samentlich met desen brieue dat vur ons komen is wetzel van eckelrode in + der tijt dat heet waele doen moecht en_ n˚tz en_ stede was dat he dede en_ hait bekant dat he sculdich sy erflich en_ o_merme zieuen vait rogghen guet werentlich pachtz van mersen moten van Triecht eirsamen wisen . Joffrouwen . den Jonffrouwen van sint Gheirlach die hen Ghilis der wisseler van Triecht de van liue ter doet komen is d?me got genaede om heillen en_ troste sijnre lieuer zelen besat hait vierde + half vait rogghen vur sine jore~ghetide en_ die ander vierd + alf vait rogghen den ghelucht te sinte gherlach te hulpen tot eynre kertsen vur dat sacrament op den kore en_ dese vurs_ zieuen vait rogghen sal wetzel vurs_ den vurs_ Jonffrouwen alle Jore erflich betalen op sint Andries daghe des heilgen appostels En_ om~dat die vurs_ Jonffrouwen des vurs_ pachtz ten tiden vurscreue_ seker sine soe hait hen wetsel vurs_ ten onderpande ghesat eyne nuynre lantz gelegen by ver aleiden hof van raemsendale opten graeue_ wech de te Schynne wart gheit . Item eyne buynre lantz gheleghen by ver + nyeuen widen op den grauen wech de van clo_men compt in~gheit te Schinne waert Item eyn half boenre gheleghen wr wynkens huys van walem op den vurs_ grauen wech in dit vurs_ onderpant is los en_ onbesweirt sonder mit des h_en recht en_ he is des vurs_ onderpantz genslichen vur ons oytgegangen en_ hen daer in geguet en_ hoem ontgaet alsoe verre wir schepen ghewyst hauen dat sy met den guedinghen wale bewaert sine en_ ghenuech is gheschiet en_ voldoen en_ di vurs_ Jonffrouwen haynt wetzel vurs_ sine we_ninge wederu_ bekant aen dat vurs_ onderpant alsoe lange en_ bis der tijt he niet gebrechlich vonden en waert an die vurs_ zieuen vait roggen erfpachtz te betalen ter tiden vurs_ in eynen deyle of in altemale en_ niet langer mer woe he ghebrechlich vonden wurden aen der betalingen alz vurs_ is doe got vursine m˚et soe moegen die vurs_ Jonffrouwen honne hant sloen an dat vurs_ onderpant en_ horen wille dar mit doen en_ laten als met honnen wetlichen erue s˚nder yemants wederspreken en_ sonder argliste noe ghewoende des hoefs van Clo_men vurs_ en_ wetzel vurs_ sal die vurs_ zieue_ vait roggen den vurs_ Jonffrouwen ten tyden alz vors_ is lieueren En_ betalen te sinte geirlach bennen den cloester op eynen solre doe hee ghewys? sal werden van + den vurs_ . Jonffrouwen of van horen ghewessen boden op sinen coste forchghe anxte en_ auenture en_ sonder argliste Jn eyne getugenis alre wurwarden vurs_ haue wir schepen wurs_ want wir eyngens seghels deruen ghebeden Johanne van hulsberch onsen Schoutet vurs_ dat he sine_ segel vur hoem en_ vur ons aen desen brief wille hanghen wants ons beide die p_tien ghebeden hauen dat ich Johan vurs_ ghedoen haue om beden wille der errsamer lude der schepen vurs_ en_ onth + beide der p_tien orkonde mijns segels her aen ghehange_ Jn eyne_ ghetugenis der waerheut Ghegeuen Jn + den Jore ons h_en dusent drie + hondert vier en_ tachtench op sinte hubrechs daghe