Corpus Van Reenen-Mulder (CRM14): Oorkonde Q601r37301

Wjr Reyner groytheynen johan dapper herman Renner Goytschalc heynrich myeme end gerart van echt schepen zo valke_b__g bekenne_ mit desen offene_ bryeue dat v˚r ons is kome_ eyne bescheyde_ man heynrich vencke van valkenborch end yde sine wetliche huysvrouwe end haent bekant dat sy schuldich sijn van gerechter wetlicher scholt den Co_uent ende den jonfvrouwen van sint gheerlach erflich ewelich end o_merme twe g˚ede swoere ongersche of boemsche gulde_ als men tryecht op den wissel guet van gelde en_ swoer van gewichte kyesen sal te betale_ op sint steffens dage in den wenter / End op~dat die jonfvrouwe_ des Co_uentz vursc_ deser betalinge_ sichger sijn ten tyde_ v˚rsc_ so hait heynrich venke vursc_ ende yde sine wetliche huysvrouwe vurgenoempt hoen z˚ onderpande gesat vur hoen en_ ho_en geruen sine h˚ys end hoeuereyde alsullich alst gelege_ is ze valkenb_g t˚sschen johans schel˚yns h˚ys end kat_ne_ vuylros end dar z˚ vyerden + halue_ schillinc grote peymentz van valkenb_g die he geldende hait op gyeles pickartz h˚ys dat gelegen is tusschen andryes huys end heylwige_ tijswijf los ledich end o_besweert sonder mit des h_en Cyenze dat is ze verstoen den here eyne henne mit den Cyense joirlix dar z˚ behorende jtem johan dapper drye schillinge grote paymentz van valkenborch jtem andryes wiue kat_ne_ drye schillinc peymentz vursc_ end sint jorijs elter achteen grote peymentz v˚rsc_ dat is alsus ze verstoen alsullich peyment als me_ byere end broyt deechlix z˚ valke_b__g mit gegelde_ kan en_ mach jn deser voegen weert sake dat heynrich vencke vursc_ of sine erue_ gebrechlich w_en aen der betalinge_ des geltz vursc_ ten tyde_ vurgen_ dat dan die jonfvrouwe_ van den vursc_ Co_uent ho_en wille end orber doen moeghen mit den vurgen_ onderpande gelikerwijs oft hoen p_per erue were sonder wederspreke_ heynrichtz vursc_ Sijnre erue_ of yemans van ho_ne_ wege_ oen arglist Voert so ist te verstoen dat deser tween gulden vursc_ eyne sal gekeert werde_ tot der petancie_ des v˚rsc_ Co_uentz jn deser manyere_ dat de vursc_ g˚lde_ gedeylt end gegeue_ werde_ sal de_ pryestere_ end den jonfvrouwen die te vyghylien en_ te messen sijn sulle_ in dat vurg_ Co_uent als men joerghetijt begheyt jonfvrouwe margryete_ die wetliche h˚ysvrouwe was johans van h˚lsberch der selen god genedich sy End der ander gulden sal gekeert werde_ aen was end gelucht dat men v˚r dat heylich sac_ment op den kore in dat vursc_ Conuent berne_ sal willich gelucht of kertsen ontfeynckt sulle_ werde_ als men sanctus in der messen singt en_ berne_ sulle_ alwont dat heylich sac_ment gen˚tst is / Alle arglist nuwe en_ alde vonde geystlich en_ wereltlich in desen sachen vysgescheyden Jn gezuygenisse der woyrheyt so haue wir schepe_ vursc_ om bede_ wille beyde der p_tyen vursc_ onsen stede seghel van valkenborch aen desen bryef gehange_ Gegeue_ jnt joer ons h_en d˚sent dry + hondert drye end zeuentich des dyesdachez v˚r sint johans dage baptiste