Corpus Van Reenen-Mulder (CRM14): Oorkonde Q613r36401

Wir Reynart der becker / johan Mungh / tilman oyrs / Pouwels an den planken / luprant der Scheyrre / Gerart opt oyrt / Heynrich deyrt Scheffen / End ander die Scheffen van Herle . Düen Cont . end maken kenlijch allen luden die desen brief s˚elen zien of hoeren leysen / dat vur ons coemen is Johan jn der Eynengassen mit willen end ghehe_keins heylke_ sijns witliken wijfs / End jn + der tijt dat heet wayl d˚en m˚cht / End becande openba˚er dat hee mit g˚yden m˚etwillen vercocht hedde mit gerechte_ witlighen Coupe / Eynre Eersamer ju_curouwen / ju_curouwe lisen van M˚ederstorp Cloest_~iu_curouwe tot Sint Gerlach of helder dis briefs mit h˚eren willen . Drie Ma˚der Rogghen dat is ze wissen vier end tzwinzich vas der moessen van herle / g˚ytz paychtz~coerns / alle joer erflijch end vmmerme na˚e data dis briefs op cost anxt arbeyt end verlies johans v˚rg_ of Sijnre Eruen op Sint andries daegh des heylghen apostels der v˚rscr_ ju_curouwen lisen of helder dis briefs mit h˚eren willen tot Sint Geerlach tze leueren end wayl volcome_lijch ongedeylt end altemoel ze bezalen / End om sekerheyt wille derre bezalinghen alle joer erflijch end vmm_me op den v˚rg_ dach end tot Sint Geerlach te d˚en as v˚rsprochge_ is / So hayt johan v˚rghescr_ der v˚rg_ ju_curouwen lisen of helder dis briefs mit h˚eren willen te onderpa_de gesat derde + half b˚ynre landts die geleygen sijn t˚sghen Herle end Schoysb_g die men haldende is van + der heerlicheyt van wicroede te loetg˚ede / Des is ander + half b˚ynre in eynen stuc geleyghe_ / End dat ander b˚ynre dar bij niet verre donne aef / jn als˚lgher v˚rwurden / of dat zake w_e / dat de v˚rg_ johan of Sijne Eruen gebrechlijch of versuymlijch weren in + de bezalinghe_ der v˚rspr_ drier ma˚der Rogghen paychtz tot Sint Geerlach end op den dach also ast v˚rscr_ is / So dat der eyn paycht den andere_ eruolghede / dat dan de v˚rg_ ju_curouwe lise of helder dis briefs mit h˚eren willen des neesten daeghs na˚e Sint andries daghe h˚er of Sijne hant sal moeghen sloen aen dat v˚rscr_ landt dat h˚er johan v˚rspr_ te onderpande hayt gesat / end dar mede d˚en end loeten as mit h˚eren properen witlighe_ Erue onwederspochge_ van den v˚rg_ johanne end ouch van yema_ne anders / End johan v˚rghesc_ hayt sich des v˚rg_ landts wayl end witlijch ondErft end ontg˚yt mit willen Gerarts van welten cochazart genant rentmeyst_ des heren van wicroede / End hayt ju_curouwen lisen of helder dis briefs mit h˚eren willen v˚rg_ . dar in gheErft end geg˚et mit allen den recht end gewoenden dat dar t˚e n˚ts end behoerlijch is / jn deser v˚eghe_ die hij noe gescr_ is / of dat zake w_e dat johan of Sijne Erue_ v˚rspr_ die bezalinghe des v˚rscr_ paychts versuymden in alle der formen die vurspr_ is / dat dan die v˚rg_ ju_curouwe lise of helder dis briefs mit h˚eren willen wayl end witlijch dar in geg˚yt end gheErft is / Mer also langhe also johan of Sijne Eruen v˚rscreuen den v˚rg_ paycht alle joer erflijch end vmmerme wayl end witlijch bezalen jn alle der v˚rsc_uenre manieren / So sal dat onderpant v˚rg_ johans v˚rscr_ end Sijnre Eruen witlijch end gewoer Erue bliuen Geuielt ouch dat dat v˚rg_ landt oeu_mits vers˚ymlicheyt der bezalinghen des v˚rghesc_uen paychtz als v˚rspr_ queme of eruiel jn + der v˚rg_ ju_curouwen lisen hant of helders dis briefs mit h˚eren willen / So wee die hant dar aen sl˚eghe of sijch des landts onderwu_de de soude dar aef liden so wat die ghene liden die des selue_ loetg˚yts of des gelijcs hedden geydelings deylinghe noe geb˚ere sonder wedersprechghe_ / w_e ouch dat zake dat in desen brieue eynich wort sillabe och b˚ecstaef te v˚el of te luttel ghescreue_ w_e / of dis brief ouch mit ongeualle w˚rde gereten / of dat der zeghel w˚rde gequat dar om en soude dis selue brief te menre macht niet haue_ te tughen alle dese v˚rwarde_ v˚rscr_ gelijch alse~of he in alle desen pu_tten gans en_ geue w_e end bleue tot ewelike_ daghen / alle archlist nuwer vu_de / end alder valscheyt / end behendicheyt / gheystlijchs end wereltlijchs rechtz ghenslijch in allen den v˚rscreue_ v˚rwarden vytghenoeme_ / End wir Scheffen v˚rg_ So wie wir v˚rghescreue_ sijn jn Orcu_de end getuygh alle deser v˚rg_ v˚rwarden / end om beyden wille johans end heylke_ vurscr_ / So haue_ wir des dorps zeghel van Herle aen desen brief gehange_ beheltenis der heerlicheyt van wicroede h˚ers rechtz end eyne_ yegherliche_ des sijns rechtz / Gegeyue_ end gescreuen jn deme joer noe der geboert ons H_en d˚e men screyf Dusent + . Dri + hondert vier end sestich joer des g˚edensdaeghs na˚e onser vrouwe_ daghe natiuitas