Corpus Van Reenen-Mulder (CRM14): Oorkonde Q613r36901

Jch wilhem van roeyssendale Reychter z˚ herle en johan mout en pauwels der wyman en lupperant en tylman der oers en henrich doest en gerart tylken en ander sceffen des dorps van herle doen Cont allen luden dye desen breif solen sien of horen leysen dat v˚r ons Comen is der alde dirich van kaldenborne en_ wilhem sijn soen en johan berwijn sin Eydem van acken mit uren goeyden mut~willen en haent bekaent en beke_nen dat si vercocht haent en werkoufen sementlich joncfvrou jutten van den Eschen Closter~joncfvrou zu synt gherlach en irren eruen of helder dys breyfs mit irren willen ein malder guitz pactz Roghen der moesen van herle dat dy vrouwe van welten geldens is en alle joer betalen sal op sint Mertijns daghe neyst t˚~Comende wter oerren hoef op gheynen bergh en leueren (onleesbaar) mit der moeytten van herle en tot willen joncfvrou jutten v˚rsc_ op koyst en anxt ende weringhe der v˚rsc_ vrouwen van welten en_ irre eruen te leueren los ende leydich en_ ombecu_mert van eyman in den hoef op gheynen bergh v˚rsc_ do dy v˚rsc_ vrouwe of ir erue_ in ghewist s˚llen verden van derre v˚rsc_ joncfvrouwe jutten of van irren erue_ of van helder dys breyfs mit irren willen of ? van irren weygen en_ om eyn su_me gels dy joncfvrouwe jutte v˚rsc_ ons wael en_ volcomentlich bezaelt haet jnde om te mere sekerheyt der bezalingen ende leueringe te doen so (onleesbaar) v˚rsc_ steyt so haen ich dirich en wilhem mijn soen en johan mijn eydem en mit willen onser erue_ derre v˚rsc_ joncfvrou jutten en_ irre_ erue_ of helder dys breyfs mit irre_ willen eyn onderpant ghesat en setzen veyr morghen acker~lantz dy gheleygen sijn op gheynen bergh alre neyst arnoeyt poeytroyden soens lande aen eyn seyde en by dy ander seyde aen der vrouwen lande van welten by dy v˚rsc_ vrouwe ? eynen Erfpacht haet v˚r dat malder Roghen en dat Eygeng˚yt is inde dit mit vurwarden of dat sake were dat dy vursc_ vrouwe van welten of ir erue_ ghebruchlich worden vonden in + der ? en_ leueringen des v˚rsc_ malder Roghen op den v˚rsc_ sint~te Mertijns daghe vers˚ymlich worde in irren pacht v˚rsc_ in eyne_ deyl of in allen in eygen joer so sal joncfvrou jutte in irre erue_ of helder dys breyfs mit irre_ willen des anderen daghs alre neyst sint Mertijns daghe penden in den v˚rsc_ hoef op gheyne_ bergh of so war dat koyren ghevoert w_rt of op den lande v˚rsc_ en dat sonder wederspreken of hindernis der vrouwen van welten of irre erue_ of ymans van irre_ weygen en tot Reychters recht alweyge en jch dirich en wilhem en johan v˚rsc_ gheyn dat wir v˚r Reychter en v˚r sceffen v˚rsc_ v˚t~gheghangen sijn des malder Roghen en derre veyr morghen lantz v˚rsc_ as nien Eygen g˚et van reycht pleycht ? ? goen in vrber derre v˚rsc_ joncfvrouwe jutten ? irre erue_ of helder dys breyfs mit irre_ willen en_ vir Reychter en sceffen v˚rsc_ gheyn dat joncfvrou iutte van den Eschen v˚rsc_ dat malder roghen en dy veyr morghen lantz van ons ontfanghen haet en_ wir Reychter en_ sceffen van herle beke_nen dat alle dese ponten en_ w˚rwarden dy hy bescreuen steynt v˚r ons gheschiet sint En ich dirich en wilhem en johan en ons erue_ bidden den v˚rsc_ Reychter en sceffen van herle dat sy om onser beyden wille ir seygel mit onsen seygelen aen desen breyf willen hangen en_ wir Reychter en sceffen van herle om beyden wille dirichs en wilhems en johans en_ irre eruen v˚rsc_ so haue wir ons seygel mit seygel dirichs en_ wilhems en_ johans aen desen breyf ghehangen jn + ghetugenis der worreyt alle argelist firpel nwe vonde en_ alde vonde geistlich en_ w_entlich visgescheyden in allen desen ponte_ v˚rsc_ vort haue wir sementlich jrcoren en_ willent wert dat sache dat in desen breyf eynge sillabe of vort of dixis te veil of te wenich bescreffen stoende of versat were dat were van allen eyn of me of ouch aen desen breyf enich seygel ghebrech versat ghequat of ghedrucht worde en_ of ouch dis breyf eynich loch (onleesbaar) droppe vlecke hedde of ghewonne dat were van allen eyn of me her om en sal dis breyf te menre mait noch virtuyt neyt hauen ghegeyuen in + den joer ons heren d˚ men screyf d˚sent dri + hondert nv˚gen en + sestich joer op des g˚den sijnt bartolomeis dach des apostels - - -