Corpus Van Reenen-Mulder (CRM14): Oorkonde Q613r37701

Kont si Allen luden die desen brief soelen sien of horen lesen / Dat wir her johan van p˚tte Ridder / willem van scöelsberch / johan hoen van voerendale / Gerart van Retersbeke / johan van den driesche / Ende Coene van der vorde / hauen gewest als gemeyne möge / vr˚nt / Ende gecore_ moitsoenre / en_ middeler / Ouer eyne moitsoene / en_ dedinge / Als van pelen / en_ grauen / tusschen dat gemeyne goitshuys van sint Gerlach van Eynre partien / ende Godart geheyten Creft / van der vorde / van der Ander partien / Nu is dat ons sagen semelingen en_ eyndrechtlich deser vorsc_ moitsoene / Dat die pele solen stoen Amits in den vloetgraue / willich vloetgraue sael bouen wijt siin op elke side van den pelen drie voit / En_ onden in den gronde twe voit wijt / En_ de graue sael Ane~goen / Aen Mergekens g˚ede van Cardenbeke / Altot wiinants beende van spaubeke / vort soe soelen diese vorsc_ partien denen vorsc_ graue semelikerhant halden / en_ vegen / En_ Eyne partie en sael dene_ graue niet vegen / si en loit der ander partien tierst weten eyns / of tweren / Of si en doit hore Cont op hore g˚et / of in hore_ hof / alsoe decke als des te done of noet is / En_ die Erde sael Elke partie vorsc_ half en_ half te sinre siden wart hauen En_ en + w˚lde die eyne partie dene_ graue niet helpen vegen als vorsc_ is / als die ander partie hore getount en_ cont gedoe_ hedde dats te doen were / als vorsc_ is / Soe waet scaden dat hore dan dar Aue gesciede / Dene_ scade sael hore die Ander p_tie oprichten / die gebreeclic were / soe wilge dat di si / Als decke als des noit of te doen were / En_ wir vorsc_ partien ke_ne_ en_ tugen mit desen open brief / dat alle dese vorsc_ saken woer sint / en_ mit weten ons willen gesciet sint / Dar om soe geloeuen wir in g˚ede_ trouwen desen brief / Alwege vaste en_ stede te halden als vorsc_ is / sonder eynich weder~spreecken / ons / onser Eruen / of onser nöecomelingen / dar om soe bidde wir semelingen / h_en johan van p˚tte Ridd_e willem . johan / Gerarde / johan / En_ Coene_ voergenoempt / dat si hore segel Aen desen brief willen hangen in getugenisse der worheit dis briefs Alle Argeliste jn desen brief vyt~gesceyden / En_ om te mere sekerheit en_ getugenisse der worheit / Alle deser vorsc_ p˚nten / en_ saken / En_ ouch om beden wille / beyder p_tien vorsc_ / soe haen wir her johan van p˚tte Ridder / johan hoen / willem van scöelsberch / Gerart van Ret_sbeke / johan van den driesche / En_ Coene van der vorde vorsc_ / ons p_per segelle Aen desen brief gehangen / Gegeuen jn den joer ons h_en / Dusent + / Drie + hondart + / Seuen + ende + seuentich op Sinte viti ende modesti daech der heylger mertellere