Corpus Van Reenen-Mulder (CRM14): Oorkonde Q656r39101

Allen den genen die dese tiegenwordige Lettere z˚elen sien ende horen Lesen Sal Condich sijn ende kenlic Dat voer ons Robeert van Eggertingen als meyer Johan van Herke Godevart pryns Andries van wlbeeke willem van papenkeele heynric sympernels / heynric van + den byzen Ende johan van malle Schepenen des dorps van wellen Comen is in sinen properen ende eyghenen persone een eersaem ende besceyden man lenoel geheiten van + der molen met johanne van Rum_en sinen mo_boer home verleent gesat ende gelevert met den rechte Die wilghe verg_ lenoel sijns goets moets willen en_ met sijnre zekere ende volcomenre wetentheit daer toe onbedwongen ende niet verleydt voer ons meyer ende schepenen voerg_ kainde ende lijde . openbaerlic als voer gerichte dat he als voer home ende sijn gheerven ende naecomelingen erflijc ende emmermeer schuldich is ende volcomelijc verbonden ende geobligeert te eweliken dagen Onser eerweerdiger ende Religieuser vrouwen Vrouwe Coneg˚nde van d˚ne bj den ged˚egenisse gods abdisse te m˚nsterbielsen Ende den cloester des godsh˚ys van m˚nsterbielsen voersc_ gemeynlic hon_e ende allen honnen naecomelingen die jn + den toecomenden tijde emmermeer weesen soelen Jn / dertien / M˚dde roggen Ende Sestien m˚dde gersten erflijc / jaerlix ende erflijcs pachts der maten ende pachts der stat van loon Te betalen jaerlix erflic ende emmermere / Jn s˚nte andries dage des heyligen apostels Ende onvervangen al tot kersdach daer nae neest~comende ende volgende Op die erflike goede ende onderpande hier nae vernoempt ende bescreven Dats te weeten op een molen gelegen te wellen aller~neest der kerken des dorps van wellen voerscr_ met allen haren aenhang en_ toebehoren als met drie boenre erflicheiden So baempt oft weyde ende ackerlant luttel myn oft luttel meer gelegen jn voel stucken gelijc hier onder steyt bescreven Jn + den yersten achtien groot roeden weyden gelegen tusschen die molen van grate ende den groten baempt des dorps van wellen voerscr_ aen die weyde godevaerts prinsen voerg_ ter eynre syden Ende aen lant godevarts sc˚ppen ter andere syden ende met derder syden op die beeke gelegen Jtem achtien roeden lants groote gelegen aen lant ende erflicheit aleyden ghijsbrechts wijf was v_en aleyden ter eynre syden Ende aen die weyde ende erflicheit willems van heestyrt ter andere syden Jtem twelf / roeden weyden groote gelegen ouch bj die weyde oft erflicheit willems van heestyrt voerg_ ter eynre syden ende aen die weyde oft erflicheit claes geheiten van hussenbeeke op die ander syde Jtem noch twelf roeden lants grote gelegen ter selver steede ende iegenoeden aen die voersc_ twelf roeden weyden ter eynre syden Ende aen die weyde ghijsbrechts geheiten van boere ter andere syden Ende metter derder syden te weeten metten begijssel oft aenganck aen den groten baempt van wellen voerscreven Die wilge onderpande so lant so weyde voersc_ yegelijc ende alle gelegen sijn ende liggen Tusschen die molen van grate ende den groten bampt des dorps van wellen voerscreven Met alle der voeghen vorwaerden ende condicien hier nae becleert ende gescreven daer toe gedaen ende gevorwaert So waer geviele des niet sijn en m˚ete dat namaels jn + den toecomenden tijde die voerghen_ lenoel he oft sijn gheerven ende naecomelingen / oft helder ende hantplichtere der molen ende onderpande voersc_ den voerscreven erfpacht niet en betaelde Oft niet vol ende genouch daer aef en dede ten taeldage ende termijne voersc_ Daer in gebreeckelic wesende jn eynen deele oft in altemale So waer + bj dat voer ons meyer ende schepenen bove_genoempt oft voer die gone die jn + den toecomenden tijde voer ons weesen soelen als van onser voerg_ vrouwen Ende den cloester des godshuys voersc_ Oft van + den gonen die namaels jn + den toecomenden tijde voer hon weesen moeghen oft sijn soelen oft van honnen sekeren bode daer toe gesat gedeputeert ende dat bevolen / al s˚lke gebreeckelicheit ende faute der telingen ende g˚lden des erfpachts voersc_ getoent geclaecht ende gecr˚ent worde So sal men den voerg_ lenoel oft sinen gheerven ende naecomelingen voersc_ Overmids ons meyer ende schepenen voersc_ als gerichte Open~en dach doen van viertien + nachten volcomen g˚lde te toenen ende ende al vol ende genouch te doene van + der telingen ende g˚lden des ervenpachts voerscr_ Ende so waer als dan die voerg_ lenoel oft sijn gheerven ende naecomelingen voersc_ te denen voersc_ viertien + nachten egheyn gulde en bet˚enen oft niet vol ende genouch en doene gelikelijc als voersc_ is So sal onse voerg_ vrouwe ende tcloester oft hon naecomelingen voerscr_ of der ghene die van honnen weeghen daer toe gesat ende gedeputeert sal sijn die voersc_ viertien + nachte verstreeken leeden ende wtgegangen ende wtgegangen Taelhans daer nae aen die voerscr_ molene en_ daer toe weyde lant ende onderpant voerscr_ hant moghen slaen Ende daer af in hebbinge hantplichtinge ende possessien bliven als~oft weer hon p_per ende eygen erfgoet Sonder den voerg_ lenoel sinen gheerven ende naecomelingen oft yeman anders meer daer aef dach te doene Oft ouch enige moneringe oft genachten daer op te maken oft te hauden geliker wijs ende jn alle der voegen oft volcomelic ende altemale met den lantrechte hervolght ende al wt verdaecht oft vernacht weere Sonder enich wedersegghen oft tiegencomen des voerg_ lenoels sijnre gheerven ende naecomelingen voerscr_ oft yemans anders jn eniger v˚eghen oft manieren Engheynrehande bescuddenisse geestelic oft weerlic manscap clercscap daer in wederstaende oft tiegeneemende Ende alle ergelisten wtgesceyden Die wilge voersc_ saken p˚ynten ende vorwaerden yegelijc ende alle gelikelic als voerscr_ ende becleert staen ende sijn voer ons meyer ende schepenen bove_genoempt met menisse ende met vonnisse ende met volcomenheiden van rechte geschieden ende gedaen worden egheynrehande p˚ynten oft saken van rechte daer in achter~gelaten of vers˚ymt die wilge daer toe schuldich waren te gesciende Ende worden nae gewoenlicheiden ons hoefs overmids onsen voerg_ meyere jn onser schepenen bove_genoempt hueden ende heltenisse gelacht en_ onsen gedinkenisse ende memorien bevolen des wyr al ons recht gehadt hebben ende daer aef volcomelic ende wael betaelt sijn Jn wilger voerscr_ dingen yegelijc ende alle getuygenisse ende vesticheiden der waerheit wij schepenen des dorps van wellen bovengenoempt hebben onsen gemeynen sygel van onsen schependome aengehangen desen openen ende tiegenwordighen brief Ende ich Lenoel voergenoempt als voer mich ende mijn gheerven ende naecomelingen kinne ende lije openbaerlic dat dese voersc_ saken p˚ynten ende vorwaerden yegelic ende alle gelikelic als voer becleert sijn ende gescreven staen / gescieden ende gedaen worden jn alle der voegen ende manieren dat voerscr_ is waer om ich lenoel voerg_ als voer mich ende mijn gheerven ende naecomeling_ voerscr_ mynen p_peren ende eygenen sygel heb aen~gehangen desen openen brief in meerre vesticheiden ende getuygenisse der waerheit der saken voerscreven Ende noch voert meer om te meere konde ende claerheit der saken ende vorwaerden vorscr_ Die te vaster te steediger ende te k˚ndiger te blivene ende te weesen te ewelyken dagen ende emmermeer So eest dat wij Conegond abdisse Ende dat cloester gemeynlic voerscr_ op die eyn side Ende ich lenoel voerg_ op die ander syde Eerbaren wijsen heren ende goeden luyden H_en willem van hamele heer te elderen Riddere Heren louijs van + den cruce persoen te b˚echoutbielsen h_en aernt sympernelle persoen te wlbeeke priesteer willem van scoonbeke Johan van + den ruckot ende woutere van beveren luyden oft man_en van wapenen Gebeeden hebben ende versocht bidden end vers˚eken eernstelijc end met meyningen dat sy om beeden wille ende vers˚eke onser jn meerre getuygenisse ende vesticheiden der waerheit der saken voersc_ hon proper sygel gewerdigen en_ willen By sygel der schepenen ende mijns lenoels voerg_ aenhangen desen openen brief Ende wij willem van hamele heer te elderen Ridder bove_genoempt / louijs van + den cruce persoen te buechoutbielsen aernt sympernelle persoen te wlbeeke p_st__e willem van scoonbeeke Johan van + den r˚ckot ende wouter van beeveren / alle bove_genoempt hebben ter beden ende versueke beyde der partyen voersc_ ons p_per sygele / bj sygele der schepenen ende ouch lenoels voerg_ aen~gehangen deser tiegenwordig_ lettere jn meerre getuygenisse vesticheiden ende gedinkenisse der waerheit alle der saken voerscr_ / Gegeven jnt iaer nae der geboerten ons heren Jh_u _i als mer screef Dusint drie + hondert + / eyn + ende + n˚egentich des drie + ende + twentichste daechs jn + den Meye .