Corpus Van Reenen-Mulder (CRM14): Oorkonde Q656r39202

Allen luden dy desen brief soelen sien of horen lesen sij kondich ende openboer dat voere ons Johanne van Jesscheren als meyere des Cees~hoefs joncker Diriixs van mobertinghen dien he heeft in + den dorpe te keirniel by loen van Joffrov Marien weghen sijns wettichs wijfs wilen wettich wijf was h˚ghe_ Coenen Johanne van Nyel Johanne Roets Johan_e Elens en_ Johanne loetmans als gesworen loten des vorsc_ hoefs Comen sijn en p_peren personen Andries Reys wisselere in + der Stat va_ Tongren met Rose Ghilis zoen was van lancdriesch ter einre partijen en_ katlijne bollinxs vyt der selver Stat van Tongren ter andere partijen Der selve Andries sachte So wye he met wille en_ openboren consente des voirg_ Roes en_ meer andere sijnre moeghe en_ vr˚nt dwillich der selve roes lijde kande en_ sachte openboirlich dat also weere en_ dat sy samender + hant der vorscr_ katlijne_ vercogt hedden alsolich lant als hijr no gescreve_ steit en_ voere ons hovende is en_ dat he_ dat ghelt dair af wale en_ wettelich ontfanghen hedde en_ dy selve katlijne hoeme dat wale betaelt hedde Also want wij Meyere en_ loyt vors_ nyeman_e anders in + den lande hijr no gescreve_ en hielden nock oick en kinnen yet te hebben dan Andriese vorsc_ want he en voirdaghen van + den selve_ lande volcomelike guedinghe ontfanghen hadde no dat dat cleirliker en~heeft ein brief do + op ghemaect en_ besighelt So wijsden wij die loet vorsc_ ten eirsten van onsen vorsc_ meyere dair op ghemaent dat der vors_ Andries einen leijen mombor sette_ soilde ende met den selven mombore dan dat lant hijr no gescreve_ opdraghe_ te vrbere en_ en name katlijnen bollinx vors_ Willighe Andries met sijne_ leijen mombore hoeme dair toe verleent dat lant hijr no gescreven op~dr˚eghe en haint ons meijers voirsc_ verteich dair op en_ dede allen dat hy van rechte schuldich was te d˚ne te vrbere en_ en name katlijne_ vorsc_ sonder einich recht dor ane te beho˚den Also dat ich Joha_ van Jesscheren als Meyere der vorsc_ Katlijne_ Bollinxs no dat onse hof te recht steyt met banne ende anderen rechte dair toe horende ghichte en_ guedinghe dede als voere hoer p_per Er˚e Beha˚delijck einen ygheliken sijns rechs Op willighe saken dy vorscreven katlijne ho_e recht bekande en_ ons dat wale gaf en_ betaelde willighe sake_ ghesciet als vorsc_ is ich die Meyere vors_ en hoyde der vors_ loet lacht en_ hoeren gedenckenisse bevael Ende wy die loet bove_genaempt kenne_ en_ lijen dat dy vors_ saken also voere ons geschiet sijn ende en onser hoiden gelacht overmyts onsen vors_ Meyere en_ dat wij onse recht ons dair af horende wale gehat hebben Ende dijt is dat lant Jtem ein Bonre lants en_ Teen cleine R˚eden l˚ttel meer of men gelege_ om + den popelere bij lant Johans van nyele vors_ op ein side en_ bij lant Johan vrancken van voelen ter andere sijden en_ ghilt dat selve lant in + den hof vors_ joirlich einen parensijs luttel meer of men JN t˚ghenisse en_ meere sekerheit willigher dinghe_ jch Johan van Jesschere_ als meyere vors_ mijne_ p_peren Sighel aen desen brief gehanghen Ende wij Johan Roets Johan Elens en_ Johan Loetma_ als loet vorsc_ want wij egheine p_pere Sighele en hebbe_ So hebbe_ wij gebeden bidden en_ versoeken Johanne van Nyel onsen mede~gheselle en_ loet vorsc_ dat he voere hoeme en_ voere ons sijne_ p_pere_ Sighel desen brieve wille aenhanghe_ met den Sighele ons meyers vorsc_ dwillich ich Joha_ van Nyel ghedoe_ hebbe en meere vestinghe en_ sekerheit der vors_ dinghe_ Jnt joer ons heren als + men scrijft D˚sent dri + hondert Noegentich en_ twe en Sinte Andries daghe des heilge Apostels