Corpus Van Reenen-Mulder (CRM14): Oorkonde Q656r39501

Allen Luyden Die dese tiegenwordige Lettere z˚elen zien ocht Horen Lesen Suster Katherijn van G˚tsichoven Bij den ged˚egenisse Gods Abdisse dez Godshuyys en_ Convents van Herkenrode der ordinen van Cistias dez creesdoms van luydicke / Ewige gr˚ete jn onsen heer gode met kennisse der waerheit der dinghen nae bescreven Et sij condich allen ende yegewelken dat wij met wille rade ende weten ons co_vents verleent hebben ende wtghegeve_ / johan_e willems soen van heestert van wellen onsen hof te Cottichoven bij borchloen geleg_ met allen ende yegelijcken sinen aenhange ende t˚ebehore_ Te wete_ met . + n˚egentich + . boenre winnens lants ende seven boenre weyden ende baempden / Onsen voers_ hove t˚ebehorende Te haude ende te winnen_e te pecht_ rechte ende gelijc reyngenoten van half meerte jn + den jare nae der geboerten ons here_ Jhesu _i dat mer screef d˚ysintich + . drie + hondertich . + vijf ende + n˚egentich + . te twelf jaren neest deen nae dander volgende . / gelijcker wijs ende met alle den vorwaerden ende condicien dat die vorste l_ren en_ brieve Overmids onse voerseeten deen god genedich sij ghegeven en_ gemaect / doer die wilghe dese tiegenwoerdige l_en t_nsfixeert sijn jnhauden ende begrijpen Voert meer so hebben wij noch den voerg_ Johan_e onsen winne wtghegeve_ ende verleent Onse teende te cottichoven die selve vors_ getoust d˚erende / jn Su_te johans dage Baptiste te mydsomere aen ende aefgaende / Ouch met allen ende yegelijcken p˚nten vorwaerden ende condicien dat die voerscr_ vorste l_ren ende brieve wael vercleeren ende mentie maken / Beheltelijc als hier nae volght som_igher p˚nten ende vorwaerden daer inne aef ende t˚e gedaen / Jn + den eersten van enen p˚nte welc die voerseede vorste l_re ende brieve niet in en hebbe_ Te wetene dat onse voerg_ winne elcs jaers die voersc_ getoust d˚erende / ons gheven sal ende levere_ te herckenrode / vijf . vercken ende ene_ beere elc vercken ende denen beer voerscr_ jn + der weerden ende valeuren van . + tween + . schiltsche_ guldene_ / Jn al~z˚lker voeghen als onse voerg_ winne al~zulken beere opgehauden hedde om ons te gheven ende te levere_ / ende die beere met ongevalle verloren worden oft ghequetst ende meshandelt datter ons niet en dochte nocht goet genouch en weer te gevene / als dat gevelt sonder argeliste / sal he ons daer voer gheve_ moghen ouch een vercken jn + der weerden der voerseeder . + twee + . schiltscherguldene / Dez gelijx van + den verckene_ voerscr_ So waer home die jn + der selver voegen af~vielen also verre als home die gebreecken ouch te betalen voer elc vercken . + twee + . schiltschegulden voerscr_ / Voert meer van . + tween + . poente_ bescreven jn + den voerseeden vorste l_ren en_ brieve / als dat wij den voers_ winne alle jaer betalen souden . + drie mudde rogg_ voer den hof te h˚edene / Ende voert meer dat he al ons core_ te cottichove_ ontfaen soude ende levere_ met der maten nae lants gewoende So es te wetene dat die selve . + twee poenten sonder argeliste aefgaen ende wtgesceiden sijn Mer alle andere ende yegelijcke vorwaerden ende condicien jn + den voersc_ l_ren en_ brijeve gemaect ende begrepen jn haerre macht vast ende steedich te blivene / twelf jaer lang die voersc_ getoust wt d˚erende / Voer die welke sake_ en_ vorwaerden te volv˚eren ende te volbrenghen die voerg_ Johan onse winne / aen ons verbonden heeft ende geobligeert home selve ende alle sijne goede ende erflicheide ghereyde ende onghereyde met al~z˚lker vorwaerden / Dat wij oft onse boden van onsen weghen aentasten ende opheffen moge_ alle die goede die den voerseeden onsen winne t˚ebehoren / jn enigher manieren hier + naemaels voer eenich gebreecke der vorwaerden voers_ jn wat steeden die goede vonden soelen werden / Sonder verz˚ycke eenichs gerichts gelijc oft sij met allen recht vervolght weren / Ende om te meerre zekerheit ende vesticheit deser saken ende vorwaerden voerscr_ / So heeft die voerg_ Johan onse winne / ons te pande gesat en_ geobligeert vier boernre erfs jn + den hof van hendericke hovende voer eersame ende wijse luyde die Scepenen van lone Te wetene Johan_e van niel Johan huyshere / herman van mettichoven Johan van manshove / Johan van Jesschere / aernt van chitsing_ / en_ Johan Tielmans / Elc voersc_ boenre erfs gelijckerwijs als jn + den voersc_ vorsten l_ren ende brieve_ van stucke te stucke gespecificeert ende gedeclareert staen op . + drie + . pen_ing__ chens goets geltz So waer der voerg_ Johan onse winne / van onsen voersc_ hove oft vander teenden oft van enige_ vorwaerden voersc_ gebreeckelijc weer oft verz˚ymelijc jn eynen deyle oft jn alle dat god verhuyde / So z˚elen wij oft onse zeker bode / brengher dez briefs / hant moghen slaen aen die voersede vier boenre erfs ende des gebr˚ycken als ons proper ende eygen erfgoet alle ergelisten wtgescheiden So waer ouch jn dene_ voersc_ onderpant / enich com_er geviele oft queeme / oft naemaels enichsins vonden worde / boven den erfchens voersc_ Dat sal der voersc_ winne schuldich sijn aef te doene nae den loye van + den lande / Jn die welke voerseede . + vier + . boenre erfs / een eerbarich ende wijs man_e / Heinrich borgh_e van Cuering_ Scepen te vliedermael te onsen orbaer ende behuve waert gegoet en_ gheerft met banne ende allen anderen lantrechte daer toe behoerlic En_ schuldich daer t˚e te geschiene In wilgher dingen getuygenisse der waerheit So hebben wij onsen properen seghele aen doen hange_ desen tiege_wordige_ lettere_ / bij den segele der Scepene_ van lone voersc_ / Ende wij Scepene_ van lone bove_genoempt hebben jn meerre vesticheiden ende getuygenisse alle der saken voerscr_ voer ons bekaint Ende ouch der voerseeder g˚edinge_ voer ons geschiet ter beden ende verzuycke der voerseder p_tijen aen wedersijde den ghemeynen segel ons Scependoms aenghehange_ desen opene_ brief Gegheven