Corpus Van Reenen-Mulder (CRM14): Oorkonde Q656r39801

Wij Scouteit ende Scepenen des hoefs van hendericke / doen Gr˚ete Jn onsen heer met kennisse der waerheit der dingen hier onder bescreven ende doen te wetene / en yeghelijcken / Dat daer om voer ons als voer gherichte jn hons selfs properen persone / gestaen / Sijn comen / Eerbarige en_ besceiden luyde / Deecken ende Capitel / der kercken des heiligen vaders / des g˚eden Su_te Od˚lphs te loen op die een zide / Ende Robeert van Sprolant / man va_ wapenen op die ander zide / Die voerg_ Robeert kainde ende lijde openbaerlijc / dat hi wittelijc ende wael jn rechter ende witteliker comanscappen / v_cocht hedde den voerseeden heer_ / Deecken ende Capitel voerg_ / als te orbaer ende beh˚ve der anniversarien ende jaerghetiden honre kercken van loen voerscr_ den selven heren ouch gelijcker wijs kinnende tiegen den voerg_ Robeert gecocht ende verkreeghen te hebben / om een zeker Sum_e gelts welc die selve Robeert ouch kainde ende lijde / van + den voerseeden heeren gehaven ende geboert te hebbene ende datter die Sum_e gelts jn sijns selfs properen orbaer en_ profijt bekeert hedde / Te weeten . + Seven + . vaet rogg_ erfliken / Jaerlix ende erflix pachts der maten van loen aen ende op huys ende hof wilneer was h_en heinrix van gudygove_ / Cappellaens jn + der kercken van Loen voerscr_ / met allen ende yegeliken aenhanghe ende t˚ebehoren des selven huys en_ hoefs voerseet ghelijckerwijs als geleghen es binnen der Stat van loen / tiegen der lombaerder huys over / beneven die strate comende met den vorsten eynde ter merct waert aen erflicheit aernts geheiten b˚ntinx / Dese . + Seven vaet rogg_ jaerlix ende erflix pachts voerscr_ / aen en_ opten voergheseeden onderpant / overmids die voerg_ heeren ende hon_e naecomelinge jaerlix / erflijc en_ emmermeer te haudene te hebbene en_ te besitte_ Jn erfliken rechte / Om welcs vercoeps ende coeps wille voerscr_ / die voerg_ Robeert comen es ende heeft met enen leecken mo_boere / home von_islike_ verleent ende met rechte gesat / die voerseede . + Seven + . vaet rogghen erflic opgedraghen jn ons Scoutiten hant vorsc_ ende daer op met halme ewech werpende renu_cieert ende verteeghen / te name / orbaer ende beh˚ve / der voerg_ heeren van loen ende honre jaerghetiden voergescreven den selve_ voerg_ Robeert nocht sinen erfve_ ende naecomelingen / niet rechts / eygendoms noch t˚esegghens meer daer inne te behauden te ewelike_ daghen / waer om wyr Scouteit ende Scepenen des hoefs van hendericke voerseet die voerseede heere_ van loen / als te behuve ende orbaer / honre jaerghetiden voerscr_ jn die voerseede . + Seven + . vaet rogg_ jaerlix ende erflix pachts voerscr_ / beheltelijc alremalx rechte nae dat onse voerseede hof te recht steet met meenisse ende met von_isse / Daer t˚e gedaen banne ende alle ander sole_niteit van rechte / als in alsodenighen saken en_ g˚eden schuldich es te geschiene ende die gewoente ons hoefs in~heeft ghegoet hebben ende gheerft / Jn also voele dat overmids meenisse ons Scoutite_ von_isse en_ gevolghenisse onser Scepenen vors_ / eendrechtichlijc daer ghewijst waert en_ gevon_ist dat den voerseeden here_ van loen / van + den voersc_ goede volcomelijc weer genouch geschiet / Ende dese voerscr_ saken alle ende yegelijcke worden nae gewoente ons hoefs / overmids onsen voerseden Scouteit / jn h˚eden en_ heltenisse ons_ voerseeder Scepenen gelacht ende onsen gedinckenisse bevolen / Ende want wij Scepene_ des hoefs van hendericke voers_ / ghenen ghemeynen ? ocht p_per segel en hebben / So hebben wij gebeeden eersamen wijsen ende bescheidenen luyden / Scepene_ der Stat van loen dat sij voer ons hon_en ? ? tiegenwordigen lettre_ gewerdige_ aen te hanghene Jn vesticheit ende getuygenisse der waerheit der saken voerscr_ Ende wij Scepenen der ? van loen / om beden der Scepene des hoefs van hendericke / ende der p_tien voerscr_ hebben den ghemeynen segel van onsen Scependome / desen tiegenwordigen l_ren aen~gehange_ / jn getuygenisse der waerheit der saken voers_ / Gegheven jnt jaer ons heren als mer screef . + duysintich + . drie + hondertich + / en_ acht + en_ negentich / Des dinsdaechs nae su_te katherinen dach / der heiliger maight en_ mertelerssen