Corpus Van Reenen-Mulder (CRM14): Oorkonde Q656r39901

? den genen die dese tiegenwordige lettere soelen zien oft horen lesen Sal condich sijn ende kenlijc Dat wij Johan geheite_ greeve / lambrecht kyvits / Gielis ponsen / Johan ponsen / Goutier kyvits / Johan zeegher heinric rootnagel / ghielis van + der leenen / willem fijen / heinric gaents / Johan hoernman / Johan_es oems / peter rootnagel / Robijn lane_ / ghijsbrecht kaerle / lijsbet peters greeve_ wijf was / en_ Johan_es Johan_es Aleyden soen / Onderseeten ende jnwoenres des dorps te g˚tsichove_ / voer ons en_ alle die andere en_ yegelike onderzeete_ en_ jnwoenres des selven dorps voersc_ / met ghemeinen c_sente / wille / weten ende verdraghe eendrechtichliken ons_ alre gemeynlic voer ons ende onse gheerve_ en_ naecomelinge te eweliken dagen kinne_ en_ belijen openbaerlijc / Dat daer in aengezien ende gemerct met voerdachtige_ rijpen rade / rechten / kenlicken ende notelike_ orbaer en_ p_fijt onser alre en_ des gemeyns dorps va_ g˚tsichoven voersc_ witteliken ende wael jn rechte_ wittege_ coeps ende vercoeps stat vercocht hebben / enen eersame_ ende bescheidene_ man_e / mertin raets meister jn + der tijt d_ Stat van loen / Om een zeker Sum_e gelts die ons der voerg_ mertin der coeper voersc_ volcomelic en_ wael betaelt heeft ende gelevert / en_ wij van honre gehave_ en_ geboert en_ jn onse_ notelike_ orbaer ende p_fijt bekeert hebben als jn h˚lpen ende t˚edoen om aef te legghen ende te betalen die schettinge welc tghemeyn lant van loen gegouden heeft die pe_sie van brabant te quiten ende aef te legghene / Dat es te weten . + twee + . gulden jaerlicscher ende erfliker rente_ / ene_ yegelijcken gulden voersc_ jn + der weerden en_ valeure_ van Achtien brabantsche schaelgien / als opten dach der dat_ deser lett_e ghenghe en_ gheef sijn jn + den lande gemeynlic / ende es die halfscheide van . + vier + . der selver gulde_ erfliker re_ten voersc_ / Daer een eersaem ende bescheiden ma_ne willem woutiers / ouch die halfscheide te wete_ . + twee + . der selver gulden gelijc den voerg_ mertin aen ons ghecocht heeft ende verkreghen nae ten˚ere ende jnhauden der lettere en_ brieve gelijc als dese tiegenwordige lett_e begripende es volcomelijc daer op gemaect / Die wilge . + vier + . gulden jaerlicscher en_ erfliker renten voerscr_ schuldich es Een Eerbaerich ende mechtich heer / h_e Raes van + der rivieren h_e te heer ende te lintre / als rechte oer en_ erfghename / eens Eerbarige_ ende mogendes here / h_en Gerarts wilnee was h_e te heere der genedig_ gedinckenisse / Die een helfte der voersc_ rente te betalen jaerlix / erflike_ ende emmerm_e jn + den hoeghtijde der geboerten Su_te johans baptiste / ende die ander helfte jn + den heilige_ hoeghtide te kersmisse der geboert ons h_en Jhesu _i als van zekere_ erflike_ goede ende onderpande / te weten . + vijf + . boenre baempts jn enen stucke gelege_ bove_ die molenstat daer wilnee plach te staende coenraets molen van voerde / tusschen dat ghemein br˚ec ter eenre ziden ende die beecke ter andere ziden / Ende om den voerg_ mertin ende sine_ erve_ ende nacomelinge_ / van + de_ voerscr_ twee gulden jaerlichscher ende erfliker renten gelijc als voersc_ es te meerre zekerheit ende vesticheit ende daer af vol en_ genouch te doene / wijr onderzeete_ en_ jnwoenres dez dorps te g˚tsichove_ voers_ alle samentlijc ende een yegelijc van ons sonderlingen voer ons ende onse gheerve_ ende naecomelinge dez come_ sijn ende ons verscheene_ hebben voer eersaem en_ bescheiden luyde / Den Schouteit en_ Scepene des dorps te g˚tsichove_ voersc_ als voer gherichte waer + bij dat ghielis ponsen bove_~genoempt jn name ende van onser alre weghen dat c_senterende ende wilcorende / Die voerseede . + twee + . gulden jaerlicscher ende erfliker renten te wete_ die ? der . + vier + . gulden vorsc_ opdrouch jn der schoutite_ hant te name orbaer en_ behuve des voerg_ mertins des copers voersc_ en_ daer op met halme ewechwerpende ? ? renu_cieerde / ons voerseeden onderzete_ en_ jnwoenres en_ onsen erve_ en_ naecomelinge voerscr_ en_ den voerseeden dorpe te g˚tsechove_ egheen rechte noch t˚esegge_ ? ? in te behauden te eweliken dage_ / ende des so es die voerg_ Mertijn jn die twee gulden erfliken / beheltelic alremalx rechte / nae dat onse voerseede hof te recht ? daer t˚e gedaen ba_ne en_ alle ander sole_pniteit van rechte / als jn also~deenigen saken en_ goedingen schuldich es te geschiene ende gewoente ons hoefs jn~heeft ? en_ gheerft / jn also vele dat overmids meenise des Schoutite_ vo_nisse en_ gevolghenisse der Scepene voersc_ eendrechtichliken gewijst waert ende gevo_nist dat den voerg_ mertin / van + den voerseeden . + twee + . gulden erfliker renten volcomelic weer genouch geschiet / Daer tue gevorwaert ende onderreedent dat die voerg_ mertin en_ sijne gheerve_ en_ naecomelinge / jaerlix erflic en_ emmermere ten taeldage_ en_ termijne_ voersc_ / die voersc_ jaerlicsche rente / eens en_ niet meer / manen ende daer af teelinghe en_ g˚lde verz˚eken soelen aen dat heerscap van heere die nv sijn oft namaels jn + den t˚ecome_den ? / besittere en_ heldere des baempts ende onderpants voersc_ wesen soelen Ende so waer den voerg_ mertin oft sine_ erve_ en_ naecomelingen voersc_ daer af niet ? en_ genouch en geschiet noch betaelt en wordt / als dan soelen wij onderzeete_ ende jnwoenres dez voerseden dorps te g˚tsichove_ ende onse gheerve_ en_ naecomelinge / daer voer verbonden sijn ende obligeert den voerg_ mertin ende sine_ erven ende naecomelinge die voerseede rente te betalen en_ daer af vol ende genouch te doende / En_ so waer wyr des niet en deden en_ daer in gebreeckelic oft verz˚melic vonden worden jn ene_ deele oft jn alle / Die voerg_ mertin oft sijne erven ende naecomelinge / ons ende onsen gheerve_ ende naecomelinge voersc_ daer af aenspreken ende vervolgen soelen voer Schouteit en_ Scepene der banch van g˚tsichove_ voersc_ / als voer die p_ncipael schout en_ voer alle coste scade ende wtgheven welc die voerg_ mertin oft sijn erve_ en_ naecomelinge voerscreve_ daer om hebben oft lijden soelen dat op te richten ende te vergelden gelijc der p_ncipael schout voersc_ / Ende voer dese voersc_ saken ende vorwaerden alle ende yegelijc / verbinden wij en_ obligeren ons selven en_ onse gheerve_ ende naecomelinge / onse ende onser gheerve_ goede alle en_ yegelijc erflicheit en_ ghereyde have ber˚erlic en_ omber˚erlijc / die wyr nv ter tijt hebben en_ wij oft onse gheerve_ en_ naecomelinge vorsc_ naemaels verkryge_ moeghen / En_ gelove_ jn goeden trouwen en_ jn steede va_ eede hier en~tiege_ niet te come_ noch te doene jn woerden nocht jn wercken heymelijc nocht openbaer overmids ons selve_ oft yeman anders nocht jn egheyne maniere_ dat ons stade doen moghe en_ den voerg_ mertijn oft sine_ erve_ en_ naecomelinge_ vorsc_ onstade / Alle bedr˚eghenisse loze v˚nde / manscap clercscap / alle beschuddenisse en_ hulpe geestelix gerichts oft wereltlix en_ alle ergelisten jn + den voersc_ saken wtghescheiden / En_ wij Schoutit en_ Scepene der banch van g˚tsichoven / kinne_ en_ lijen dat alle die voersc_ saken en_ vorwaerden gelijc vorsc_ es voer ons met rechte geschiet sijn en_ jn onser h˚eden gelacht worden / des wyr onse recht en_ orkonde hadden en_ daer af wael betaelt sijn / Ende wij onderzeeten en_ jnwoenres bove_genoempt En_ wij Scepene des dorps va_ gutsichove_ vorsc_ hebben gebeden en_ bidden eerbarige_ en_ wijsen luyden / Scepene_ der Stat en_ vryh_ va_ loen dat sij voer ons hon_en gemeyne_ segel van ho_nen scepe_dome / desen tiegenwordige_ l_ren gew_digen aen te hangene jn getuygenisse der waerheit der voerseder saken / Dat wij Scepene van loen voersc_ / om beeden en_ verz˚ecs / der onderzeete_ en_ jnwoenres en_ ouch der Scepene_ va_ g˚tsichove_ voersc_ / en_ voer hon_e gedaen hebben jn getuygenisse en_ vesticheiden der sake_ vorsc_ Gegeve_ jnt jaer ons here_ duysintich + / drie + hondertich + / negen + ende + nege_tich des tiende daechs jn + den maende geheiten merte