Corpus Van Reenen-Mulder (CRM14): Oorkonde Q656r39902

Allen den genen die dese tiegenwordige lettere soelen zien oft horen lesen Sal condich sijn ende kenlijc Dat wij Johan geheite_ greve / lambrecht kyvits / Gielis ponsen / Johan ponsen / Goutier kyvits / Johan zeegher heinric rootnagel / gielis van + der leenen / willem fijen / heinric gaents / Johan hoernman / Johan_es oems / peter rootnagel / Robijn lane_ / ghijsbrecht kaerle / lijsbet peters greve_ wijf was / en_ Johan_es Johan_es aleyden soen / Onderseeten ende jnwoenres des dorps te g˚tsichove_ / voer ons en_ alle die andere en_ yegelijcke onderzeete_ en_ jnwoenres des selven dorps voersc_ / met ghemeinen c_sente / wille / weten ende verdrage eendrechtichliken ons_ alre gemeynlijc voer ons ende onse gheerve_ en_ naecomelinge te eweliken dagen kinne_ en_ belijen openbaerlijc / Dat daer in aengezien ende gemerct met voerdachtige_ rijpen rade / rechten / kenlicken ende notelike_ orbaer en_ p_fijt onser alre en_ des ghemeyns dorps va_ g˚tsichoven voersc_ witeliken ende wael jn rechte_ wittege_ coeps ende vercoeps stat vercocht hebben / enen eersame_ ende bescheidene_ man_e / wille_ woutiers port_ der Stat van loen / om een zeker Sum_e gelts die ons der voerg_ willem der coeper voersc_ volcomelic en_ wael betaelt heeft ende gelevert / en_ wij va_ home gehaven en_ geboert en_ jn onse_ notelike_ orbaer ende p_fijt bekeert hebben als jn hulpen ende t˚edoen om aef te legghen ende te betalen die schettinge welc tghemeyn lant van loen ghegouden heeft die pe_sie van brabant te quiten ende aef te legghen / Dat es te weten . + twee + . gulden jaerlicscher ende erfliker rente_ / ene_ yegelijcken gulden voersc_ jn + der weerden en_ valeure_ van achtien brabantsche schaelgien / als opten dach der dat_ deser lett_e ghenghe en_ gheef sijn jn + den lande gemeinlic / En_ es die halfscheide van . + vier + . der selver gulde_ erfliker re_ten voersc_ / Daer een eersaem ende bescheiden ma_ne mertin raets / ouch die halfscheide te wete_ . + twee + . der selver gulden gelijc den voerg_ willem aen ons ghecocht heeft ende verkreege_ nae ten˚ere ende jnhauden der lettere en_ brieve gelijc als dese tiegenwordige lett_e begripende es volcomelijc daer op gemaect / Die wilghe . + vier + . gulden jaerlicscher en_ erfliker renten vorscr_ schuldich es een Eerbaerich ende mechtich h_e / h_e Raes van + der rivieren h_e te heere ende te lintre / als rechte oer en_ erfgename / eens Eerbarige_ ende mogendes heren / h_en Gerarts wilnee was h_e te heere der genedig_ gedinckenisse / die een helfte der voersc_ rente te betalen jaerlix / erflike_ ende emmerm_e jn + den hoeghtijde der geboerten Su_te johans baptiste / ende die ander helfte jn + den heilige_ hoeghtide te kersmisse der geboerte_ ons h_en Jhesu _i als van zekere_ erflike_ goede ende onderpande / te weten . + vijf + . boenre baempts ? ? ? gelege_ bove_ die molenstat daer wilnee plach te staende coenraets molen van voerde / tusschen dat ghemein br˚ec ter eenre ziden ende die beecke ter andere ziden / Ende om den voerg_ willem ende sine_ erve_ ende nacomelinge_ / van + de_ voerscr_ twee gulden jaerlicscher en_ erfliker renten gelijc als voersc_ es te meerre zekerheit ende vesticheit ende daer af vol en_ genouch te doene / wijr onderzeete_ en_ jnwoenres dez dorps te g˚tsichove_ vors_ alle samentlijc ende een yegelijc van ons sonderlingen voer ons ende onse gheerve_ ende naecomelinge dez come_ sijn ende ons verscheene_ hebben voer eersaem en_ bescheiden luyde / Den Schouteit en_ Scepene des dorps te g˚tsichove_ voersc_ als voer gherichte waer + bij dat ghielis ponsen bove_~genompt jn name ende van onser alre weghen dat c_senterende ende wilcorende / Die voerseede . + twee + . gulden jaerlicscher ende erfliker renten te wete_ die helfte der . + vier + . gulden vorsc_ Opdrouch jn der Schoutite_ hant te name orbaer en_ behuve des voerg_ willems des copers voersc_ Ende daer op met halme ewechwerpende verteech ? renu_cieerde / ons voerseeden onderseete_ en_ jnwoenres en_ onsen erve_ en_ naecomelinge_ voerscr_ en_ den voerseeden dorpe te g˚tsechove_ egheen rechte noch t˚esegge_ meer daer in te behauden te eweliken dage_ / ende des so es die voerg_ willem jn die twee + . gulden erfliken / beheltelijc alremalx rechte / nae dat onse voerseede hof te recht steet daer t˚e gedaen ba_ne en_ alle ander sole_pniteit van rechte / als jn also~deenigen saken en_ goedingen schuldich es te geschiene ende die gewoente ons hoefs jnheeft ghegoet en_ gheerft / jn also voele dat overmids meenise des Schoutite_ vo_nisse en_ gevolgenise der Scepene voersc_ eendrechtichliken gewijst waert ende gevo_nist dat den voerg_ willem / van + den voerseeden . + twee + . g˚lden erfliker renten volcomelijc weer genouch geschiet / Daer t˚e gevorwaert ende onderredent Dat die voerg_ willem en_ sijne gheerve_ en_ naecomelinge / jaerlix erflic en_ emmermere ten taeldage_ en_ termijne_ voersc_ / die voersc_ jaerlicsche rente / eens en_ niet meer / manen ende daer af teelinge ende gulde verz˚eken soelen aen dat heerscap van heere die nv sijne oft namaels jn + den t˚ecome_de tijde / besittere en_ heldere des baempts ende onderpants voersc_ weesen soelen Ende so waer den voerg_ willem oft sine_ erve_ en_ naecomelinge_ ? daer af niet vol en_ genouch en geschiet noch betaelt en wordt / Als dan soelen wij onderseete_ ende jnwoenres dez voerseeden dorps te g˚tsichove_ ende onse ? en_ naecomelinge / daer voer verbonden sijn ende obligeert den voerg_ willem ende sine_ erven ende naecomelinge_ die voerseede rente te betalen en_ daer af vol ende genouch te doende / En_ so waer wyr des niet en deden en_ daer in gebreeckelijc oft verzumelijc vonden worden jn ene_ deele oft jn alle / Die voerg_ willem oft sijne erven ende naecomelinge / ons ende onsen gheerve_ ende naecomelinge_ voersc_ daer af aenspreken ende vervolgen soelen voer Schouteit en_ Scepene der banch van g˚tsichove_ voersc_ / als voer die p_ncipael schout en_ voer alle coste scade ende wtgheven welc die voerg_ willem oft sijne erve_ en_ naecomelinge voerscreve_ daer om hebben oft lijden soelen dat op te richten ende te vergelden gelijc der principaelre schout voersc_ / Ende voer dese voersc_ saken ende vorwaerden alle ende yegelijc / verbinden wij en_ obligeren ons selven en_ onse gheerve_ ende naecomelinge / onse ende onser gheerve_ goede alle en_ yegelike erflicheit en_ ghereide have ber˚erlic en_ omber˚erlic / die wy nv ter tijt hebben en_ wij oft onse gheerve_ en_ naecomelinge vorsc_ naemaels verkryge_ moghen / En_ gelove_ jn goeden trouwen en_ jn steede va_ eede hier en~tiege_ niet te come_ noch te doene jn woerden nocht jn wercken heymelijc nocht openbaer overmids ons selve_ oft yeman anders nocht jn egheyne maniere_ dat ons stade doen moeghe en_ den voerg_ willem oft sine_ erve_ en_ naecomeling_ voersc_ onstade / Alle bedr˚eghenisse loze v˚nde / manscap clercscap / alle besch˚ddenisse ende h˚lpe geestelix gerichts oft wereltlix en_ alle ergelisten jn + den voersc_ saken wtgescheiden / En_ wij Schouteit en_ Scepene der banch van G˚tsichove_ voersc_ / kinne_ en_ lijen dat alle die voersc_ saken en_ vorw_den gelijc voersc_ es voer ons met rechte geschiet sijn en_ jn onser h˚eden gelacht worden / des wyr onse recht en_ orkonde hadden en_ daer af wael betaelt sijne / en_ wij onderzeeten en_ jnwoenres bove_genoempt En_ wij Scepene des dorps va_ gutsichove_ voersc_ / hebbe_ gebeeden en_ bidden Eerbarige_ en_ wijsen luyden / Scepene_ der Stat en_ vryh_ va_ loen Dat sij voer ons hon_en gemeine_ segel van ho_nen Scependome / desen tiege_wordige_ l_ren geweerdigen aen te hanghene jn ghetuygenisse der waerheit der voerseeder saken / Dat wij Scepene van loen voersc_ / om beeden en_ verz˚ecke / der onderzeete_ en_ jnwoenres en_ ouch der Scepene_ va_ g˚tsichhove_ vorsc_ / en_ voer hon_e gedaen hebben jn getuygenisse en_ vesticheiden der sake_ voersc_ / Gegheve_ jnt jaer ons here_ duysintich + / drie + hondertich + / negen + ende + nege_tich des tiende daechs jn + den maende geheiten merte