Corpus Van Reenen-Mulder (CRM14): Oorkonde Q662r39401

Wij Robeert van Ecerdinghe_ als wettich mombor Johannen van Overbeeck ende Lambrecht Schilling der Jonghe als meyere Henryck . van Rudercoven / willem heyten die Jonge Johannes Reys Ende Gheraet mynson als gesworen lote Andries Reys ov_mits den selven Andriese gheleent den vorg_ Robeerde en_ lambregte ten saken hijr no gescreven D˚nt k˚nt en_ kenlich allen den ghenen dy desen tiegenwordighen brief soele_ sien of hore_ lesen dat voere ons come_ sijn als vo_e hof en_ gerichte Andries Reys vorsc_ op die eine partye En_ forket va˚don van keer wettich ma_ katlijne_ Gheraet mynsoens dochter ter andere partien der vors_ Andries dy volcomelike guedinghe hadde in + den h˚se met sijnre toebehoirten dat wilen was Johans geheite_ woutiers dat~willich huys gelege_ is in + der heymeling~strote in + der stat va_ Tongre_ neven dy husinghe Reyners van vroele ter einre sijden en_ Johans huys C˚pers ter andere sijden wellich huys dy selve Andries gecreghe_ heeft no doet ver J˚ete_ Ghilis kepkens dochter was sijns wettichs wyfs Begherde den vors_ forkette in + den selve_ h˚se met sijnre toebehoirten ghichte en_ g˚edinghe te ghescien Also dat wij die Meyere vors_ die vorg_ loet dair op maenden Do wy die loit ons ten eirsten dair op beroden wijsden dat die vors_ Andries dat vors_ huys en_ allen dat hy do ane hedde oft hoeme ghenoechde opdraghen soilde ende dair op vertyen te vrbere en_ en name forkets vorsc_ Dy~willige Andries also beroden was dat hy dat dede sonder einich recht do ane te beho˚den Also dat hoeme doen forket versoechte ghichte en_ g˚edinghe te gescien willighe forkette wij dy vors_ meyere met Menisse en_ vonnisse en_ no wisenisse der vors_ loyt ghichte en_ guedinge deden in + den h˚se vors_ als voere sijn p_per Er˚e Op~dat / dat / dat selve h˚ys voere schuldich is dat is ein Mudde Rogghe_ ende einen pe_ningh Cees~ghels No willighe dinge_ also gesciet als vors_ is der vors_ forket sine recht bekande en_ ons dat wale gaf en_ betaelde en_ wij die loyt / vors_ kenne_ en_ lyen dat die vors_ saken also dy vors_ stoen voere ons geschiet sijn en_ en onser hoide_ gelacht ov_myts die vors_ meyere ende dat wij onse recht ons dair af horende wale gehat hebben JN kennisse ende Meere sekerheit willigher dinghen en_ om dair af g˚et en_ / vast gedenckenisse te hebben So hebben wij Meyere en_ loyt vorsc_ onse p_pere Sighele desen brieve aengehangh_ Jnt joer als + me_ scrijft no der gheboert ons heren Dusentich dri + hondertich Noegentich ende viere Acht daghe in + der moent van Meye -