Corpus Van Reenen-Mulder (CRM14): Oorkonde Q662r39801

Cont sijn allen luden die desen brief soelen zien oft hore_ lesen / dat voer ons Merten van Conixhe_ onder~Scoutet / Arde vanden Hoefacker . / Servaes van Linde . / Stasse van Staden . / Stasse Gentes van ? / johanne Momboers en_ woutere van He_nisdale Scepene van Conixhem verschenen lijflech en_ in p_pere_ p_sone_ voersienghe en_ berfve lude / Meester Gheret van Heere Canonic van onser vrouwen keercke_ van Tongren van + der keercke_ weghen van Tongren op die een zide / ende Gheret Pausters man van wapene_ ons Scoutit / op die ander zide / der voerseet meester Gheret in name_ ende tot behoef sijnre keercke_ vorsc_ versuechde guedinghe van alsulke_ zettinghe_ ende erfve / als Gheret vorseet der selver keercke_ te voerdaghe_ / / doen joffrouwe Beater Zurle sijn wettich wijf leefde / der god ghenedich sijn / voer ons Scepene_ liete en_ bezatte / en_ in ons onders~Scoutets hant totter vorseet keercke_ behoef droech / te weten is . jn + den ierste_ Acht roeden dynents lans / luttel min oft meer / gheleghen int hoeghe velt tusschen Conixhem ende lude biden boedem mitter ziden der Catziden weert / neve_ een stucke lans haudende omtrent een boenre toe~hoere_de onser vrouwen Eltere gheleghe_ in die keercke van Conixhem / ende mitter ziden te Tonghere_ weerts neven jacobs Tollus lant / en_ mitter ziden te Lude weerts / neven lant dat Henric do_ne ende sijn wijf nu bezitten Ende dese Acht roeden liet Gheret den Canonicken der vorsc_ keercke_ / half voer sijns wijfs vorsc_ / na hoer doet . Ende dander heleft voer sijns selfs iaerghetide iaerlix in + der selver keercke_ te doende / na sijn doet erflic te hebbe_ ende te bezitte_ . jte_ vort liet der selve Gheret der vorseet keercke_ voer sijns wijfs en_ sine ziele Sesse vaet rogghen maten ende pachs van Tongren / die hi erflic gheldende heeft op ioncher Goesswijns paenhuys van betuwe / mit sijnre toebehoerde_ ter Linde_ gheleghe_ / tusschen dat paenhuys van Sempijr gheheiten / en_ johans donckels paenhuys in deser manieren hier na volghende / dat van desen Ses vate_ vorsc_ die fabrijcke Twee vaet / een na sijns wijfs / en_ dander vaet na sijn doet te hebben en_ te heffene . jte_ Twee vaet den iaerghetide_ der selver keercke_ / te weten een vaet onder die Canonicke en_ Cappeloene / die op + den dach dat men sijns wijfs iaerghetide begheit en_ doet / tot hoeren graefve gaen / als men die co_me_datie leest / Ende dat ander vaet na sijn doet des ghelix te hebben en_ te deylen onder die vorsc_ p_sone / die tot sijne graefve gaen soelen / die hi mit co_sent der Capitulen ghecoere_ heeft bi sijn wijf in die Capelle van werme der vorseet keercke_ / op den dach dat men sijn iaerghetide doen sal jte_ die ander Twee vaet soelen hebbe_ die Twee Cappeloene der Capelle_ van werme vorsc_ / te wete_ een vaet terichs / ende dat ander na Gherets doet te heffen / op alzulke voeghe / dat sij voer he_me en_ sijns wijfs en_ horre beider voervadere_ en_ vriende ziele_ ewelich bidde_ soele_ . Ende op de daghe dat horre beider iaerghetide valle_ te doende / soelen zeelmisse_ lesen / voer horre beyder ziele_ . En_ want dese zake_ alle_ ghelijc dat vorsc_ is . vor ons gheschiet / ende ons wale condich sijn / soe hebbe ich Merten onderscoutit vorsc_ / mit menisse en_ vo_nisse meester Gherede vorsc_ / di . die guedinghe des vorseets erfs in mijn hant ghedraghen versueckende was / alst vorsc_ is / in name_ en_ tot behoef der keercke_ van Tongren vorsc_ na forme_ testamens en_ ordina_tie Gherets pousters voerbecleert / in dat vorsc_ erfve / alsoe verre en_ alsoe groet / als dat in mijn hant ghedraghen is / gheguet en_ gheerft mit banne en_ mit vrede_ / en_ mit alle_ den rechte sole_pniteit en_ ghewoende_ / dat ons banc te rechte steit en_ die Scepen wijsde_ / engheen poent va_ rechte achter ghelate_ / behaudelic altoes en ighelic sijn goet recht / ende alsoe verre / dat die Scepen_ vorg_ wijsden / dat der vorsc_ keercke_ tot behoef der ordina_tien voer becleert / van + de_ vorsc_ erfve volcomelich en_ altemale were gnoech gheschiet . En_ alle_ dese vorsc_ zake_ en_ poente_ lede ich Merte_ vorsc_ en_ bevael inder hoede_ en_ ontheltenisse der scepen_ vorsc_ . Ende wij Scepen_ vorsc_ kenne_ en_ lide_ / dat wij daer bi ane ende over gheweest hebbe_ / daer alle_ die vorsc_ zake_ en_ ordina_tien alsoe gheschiede_ en_ ghedoen worde_ / alst vorsc_ is / Ende die altemale overmits Merte_ onsen o_derscoutet vorsc_ in onser hoede_ ghelacht en_ bevoele_ sijn / Ende wij hebbe_ onse recht daer af ghehadt . jn ghetughenisse der waerheit allen den zake_ en_ poente vorsc_ / hebben wij Merte_ ende Scepen_ vorg_ onse p_pere zighele desen littere_ doen aenhanghe_ mit voer aenghehanghen zighel Gherets pousters ons Scoutits vorsc_ / Ende ich Gheret pouster Scoutit van Conixhem kinne en_ lide . dat allen dese ordina_tien zake_ en_ poent_ vorsc_ gheschiet sijn / ghelijch dat in desen brief ghescreven steit / En_ o_me te meerre zekerheit en_ vestinghe der vorsc_ keercke_ te doende / en_ in orconde der waerheit / soe hebbic mit na aenhanghen zighels Mertens mijns onder~Scoutits en_ der Scepen_ vorsc_ / mijne_ zighel desen brief voer aenghehanghen . Ghegheefven in + de_ jare ons here_ gheboerte Dusent Drie + hondert Acht en_ neghentich des Vijftiende dags van januario .